قُلت الوداع وجاوبت دمعة العين تجرح بساتين الخدود النديه !! و شفت بعينها الحزن حزنين وصاحت على الفراق ماني قوية ... و جاوبتها ارجوكِ كفى يا نور العين والله دَمعتك نار تشتعل فيّه ... وقالت تعاهدني عهد المحبين الله يخون اللي يخون خويه ..... قلت ابشري واللي خلقك لاتظنين حرام ما غيرك عشقت صبية وقصت شعرها نصين .. وقلت انا شو تسوين قالت أغزل من غرتي لك هديه ونادتني الغربه على الهم و البين وظنيت ان الايام روحه وجيه غربة سنه في ذمتي غربة سنين متى على الله يلتقي الحي حيه و رجّعت وشوقي في القلب براكين ورجعت وبين الأيادي وردة جورية وسألت ماردوا !! و انا اصيح هي وين ..؟ والعين تبكي وتتفقدهم صبيه صبيه وفي معمعة حزني تلقيت رمحين .. قالوا ماتت ... غافلتها المنيه وفي غرغرتها ماذكرت غير حرفين تشهدت باسمك شفاة البنيه ونكسر قلبي إلى نصفين كيف راحت بدون ذنب و خطيه رجواي دلوني على قبرها هالحين ما عاد للصبر صبر علية ووقفت أنظرقبرها بين نصبين وجلست أحضن اغلى لقبور عليّه واصيح ليش يا غالية ماتردين اشتقت لهمس شفهاك النرجسيه شو فيك يا زين بي ما تهلين والعين من زمن ماجت في العين ولا إنت نسيتي الهديه و حاولت في لحظة جنون اجرح الدين و ازيح تربة قبرها في يديه و بالغصب شالوني وهم يقولوا مسكين و اصرخ بهم ... والله والله حيّه ورحلت وتاهت كل العناوين و الحزن واليد تتحسس أغلى هدية و رجعت لدروب الشقا قبل عامين مدري من اللي فينا صار الضحيه