اسمع كلام استاذي احمد فؤاد نجم

شعر أحمد فؤاد نجم
ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك وأذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال

كيف تصبح وطنيا شكرا يا أخ عيسى إنت فعلا فتحت عينى على حاجات كتير
يا اساتذه يا محترمين وبالبغال مستشهدين
ورا التكييف مستخبيين وظبطينه على درجة حراره عشرين
وعلى النت ليل ونهار قاعدين
ولما حد يجيب سيرة النعال بتبقو مبسوطين
ليكو حق ما إنتو ماشفتوش الكتانيلا (حاجه زى البلغه)جزمه يعنى
لازم عشان تبقى وطنى أو مصرى بالذات تشتم شمال ويمين
وتبقى عامل زى ديك البرابر السمين
بس أوعى تنسى وانتى رايح التظاهره تحط جلفوق الجبين
عشان الاوصه ماتتنعكش والميك آب بتاع التزيين
هى دى الوطنيه وهما دول الوطنيين
لألأ أقولك من فرنسا أو إيطاليا أو المانيا تقوموا مهاجرين
ومن هناك بقى يا اساتذه تروحوا شاتمين
ما تخفوش الناس دى بتحبنا أوى دول أروبيين
وفى العدل والحق وبينا متوصيين
يعنى معاهم سيب نفسك خالص وأترمى فى حضنهم سنين
وماتشغلش بالك إنت بأى حاجه هما علمانيين
وبعدين هما عاملين لكل حاجه خطه ولكل حاجه حاسبين
دول ناس ناصحين خالص وحقانيين
طبعا هاتقوللى انا مأدرش أسافر عشان هاجيب المصارى منين
خلاص هأقولك حاجه تانيه وبرضه هاتبقى قويه وليها مش كلمه لأكلمتين
هات جهاز كمبيوتر وهات وصلة نت من البقال إللى جنبك دى فكره زين
وتتدخل على أى مدونه أو منتدى وأشتم براحتك وماحدش عارف إنت مين
بس ماتنساش وأنت بتشتم تبقى توسخ صورة بلدك قال يعنى إنت من الزعلانين
وبدل ما تروح تذاكر ولا تفكر فى حاجه مفيده تعملها عامل نفسك من الوطنيين
أيوه كده إخرب ونخور فى بلدك عشان ينصلح حالها يا أهبل يأبو قرنين
معلش نسيت أجيب سيرة البغال والنعال إللى بيحبها الزعلانين
أقولك حاجه فى ودنك الطويله بس ما تقولش لحد هما مش عايزنا متحدين
ويفضلو يقولولك الديمقراطيه والعداله والبولوتيكا وبيكلمو فى الدين
يا أخى بقى زهقتنى طب أقولك حاجه تانيه إيه رأيك يا عوضين
تشتم فى أوروبا يوم وتشتم الدول العربيه يومين
ده حتى العدل بروح واحده مش بروحين
هو العلم إللى فى راسك ده جايبه منين
أوعى تقوللى من عند الناس التانيين
هازعل أوى وهاقول عليك من المواليين
طب أفتكر حاجه حلوه حصلتلك فى بلدك بلد الناس الوحشين
يابنى فيه ناس كتير بتغل مننا ونفسها تشوفنا مزلولين
وبعدين هو فيه حد بيشمت فى المرض إلا الشماتين
ولا بيجيب سيرة البغال إلا البغالين
سبونا بقى نشوف مصالحنا وأنزلو من على ودننا إللى بقت رطلين
طبعا إنت ماتعرفش الرطل يعنى إيه ده وحدة وزن نظام إنجليزى حبابيبك العاقلين إللى إحتلونا سبعين سنه وطلعناهم وراسهم فى الطين
بس للأسف شاكلك من كتر الزن على ودانك ماتعرفش مصر تبقى مين
بطل قعاد مع الحمارين والبغالين وإنت تعرف إن أصلك زين
كلامك جميل وشعرك أجمل يا بتاع البتاع
إحنا سرحنا بالبتاع وبعنا البتاع لبتاع البتاتيع